ՄԵՆՅՈՒ

ՊԱՏՄԱՄՇԱԿՈՒԹԱՅԻՆ, ԳՐԱԿԱՆ - ԳԵՂԱՐՎԵՍՏԱԿԱՆ, ՓԱՍՏԱՎԱՎԵՐԱԳՐԱԿԱՆ, ՀԱՆՐԱՄԱՏՉԵԼԻ, ՈՒՍՈՒՑՈՂԱԿԱՆ, ԱԶԳԱՅԻՆ, ՀԱՅՐԵՆԱՍԻՐԱԿԱՆ, ԿՐԹԱԴԱՍՏԻԱՐԱԿՉԱԿԱՆ ԲԼՈԳ   «Բոլորն ուզում են իրենց երեխաներին թողնել լավ աշխարհ, իսկ ես աշխարհին ուզում եմ թողնել լավ երեխաներ» ԿԱՐԼՈՍ ՍԼԻՄ ԷԼՈՒ  
Drop Down MenusCSS Drop Down MenuPure CSS Dropdown Menu

16.06.2013

ՀԱՅԸ Կ՛ԱՊՐԻ ՄԻԱՅՆ ԻՐ ԲՆՕՐՐԱՆԻՆ՝ ՀԱՅԱՍՏԱՆԻ ՄԷՋ


Այն հաւաքականութիւնները, որոնք կ՛ապրին իրենց հարազատ եւ իսկական միջավայրէն դուրս, կամայ կամ ակամայ եւ ուշ կամ կանուխ, ու հակառակ բոլոր ճիգերուն, դատապարտուած են կորսուելու իրենց ընդունած տուեալ երկրի մը ծով ժողովուրդին մէջ։ Վկա՞յ. Նայեցէք Լեհաստանի երբեմնի հայկական ծաղկուն գաղութին, որ ունէր դպրոցներ, եկեղեցիներ, պետական այրեր եւ այլ. իսկ այսօ՞ր. մնացած են հայկական
անցեալը յիշեցնող միայն քանի մը փողոցներու հայկական անունը եւ կարգ մո ընտանիքներու մականունը (ազգանուն)։
Ընդունինք, որ հայուն համար միայն ու միայն հայրենիքն է կռուանն ու յենարանը ապրելու իբրեւ հայ, մտածելու որպէս հայ, խօսելու հայերէն, ստեղծագործելու մեսրոպեան սրբազան տառերով, աղոթելու հայերէն, պայքարիլ Արամ Մանուկեանի ոգու շունչով, սիրել հայերէն եւ ընել ամէն բան, որ հայկականութիւն կը բուրէ։
Հայրենիքէն՝ Հայաստանէն դուրս հայը պարզապէս իր գոյութիւնը քարշ կու տայ։ Հայը սկսած է պարպուիլ ամէն բանէ, որ հայկական է. ան սկսած է ապրիլ իբրեւ աշխարհաքաղաքացի. օտար մետիան իր քարոզչութեամբ աւերներ կը գործէ եւ հաստատ քայլերով կը հասնի իր նպատակին՝ մեզ պարպելու հայութենէ, մեր մէջ արմատաւորել այն անհեդեդ "գաղաբար"ը, թէ մենք պէտք է ներմուծուինք տուեալ երկրի ժողովուրդին մէջ եւ ընդունինք անոնց բարքերը, լեզուն եւ սովորութիւնները (նաեւ մերը դարձնենք զանոնք), մեզ յանցաւոր զգացնել, թէ չենք համալրուիր տուեալ երկրի ընկերուփեան մէջ (իմա՝ լուծուիլ) եւ թէ տակաւին կ՛ապրինք մեկուսացած (ըսել կ՛ուզեն հայ) եւայլն։ Նման քարոզչութիւններ արդէն իրենց նպատակին հասնիլ կը թուին. վկայ խառն ամուսնութիւնները, մեծ թիւով հայ մանուկներու օտար վարժարաններ յաճախելը, օտար լեզուի գործածութիւնը եւայլն։
Որեմն մեզ կը մնայ (մանաւանդ հայրենի իշխանութիւններէն) նախ միջոցներ գտնել Հայաստանէն ահաւոր չափերու հասած արտագաղթը կասեցնելու, ապա կազմակերպել ներգաղթ դէպի Հայաստան, որ սակայն պատահական պէտք չէ ըլլայ, այլ լաւապէս կազմակերպուած, որպէսզի ներգաղթող հայը որոշ ժամանակէ մը ետք յուսախապուելով դարձեալ չմտածէ արտագաղթի մասին։ Հայը Հայաստանի մէջ արժանավայել եւ արժանապատուութեամբ պէտք է ապրի։ Սա կ՛ենթադրէ ճիգերու առաւելագոյն լարում, փտածութեան չքացում (գէթ որոշ չափով նուազում), դիւանակալական դժուարութեանց վերացում եւայլն։
Հայը Հայաստանի մէջ պէտք է (պիտի) ապրի ապահով եւ անկաշկանդ. այդ մեր տարրական իրաւունքն է եւ պարտաւորութիւնը։
Հայը պիտի ստեղծագործէ Հայաստանի մէջ։
Հայը Հայաստանի մէջ եւ Հայաստանի համար։
Հայը պիտի կռուի ու եթէ պէտք ըլլայ, ապա պիտի նահատակուի Հայաստանի ու հայութեան համար։
Ամբողջական Հայաստան՝ ամբողջական հայութեամբ։

Կիրօ Գարակէօզեան
Պէյրութ Լիբանան.
15 Յունիս 2013

Комментариев нет:

Отправить комментарий

Blogger Widgets