ՄԵՆՅՈՒ

ՊԱՏՄԱՄՇԱԿՈՒԹԱՅԻՆ, ԳՐԱԿԱՆ - ԳԵՂԱՐՎԵՍՏԱԿԱՆ, ՓԱՍՏԱՎԱՎԵՐԱԳՐԱԿԱՆ, ՀԱՆՐԱՄԱՏՉԵԼԻ, ՈՒՍՈՒՑՈՂԱԿԱՆ, ԱԶԳԱՅԻՆ, ՀԱՅՐԵՆԱՍԻՐԱԿԱՆ, ԿՐԹԱԴԱՍՏԻԱՐԱԿՉԱԿԱՆ ԲԼՈԳ   «Բոլորն ուզում են իրենց երեխաներին թողնել լավ աշխարհ, իսկ ես աշխարհին ուզում եմ թողնել լավ երեխաներ» ԿԱՐԼՈՍ ՍԼԻՄ ԷԼՈՒ  
Drop Down MenusCSS Drop Down MenuPure CSS Dropdown Menu

06.07.2013

ՀԱՅՈՑ ՀԱՅՐԱՊԵՏԸ - Տ. Սողոմոն Ա Գառնեցի (791 - 792)

ՍՈՂՈՄՈՆ Ա ԳԱՌՆԵՑԻ 
(Կրտսեր) (791–792) 
Հայոց կաթողիկոս 791–ից: Հաջորդել է Հովաբ Ա Դվնեցուն: 

Ծն. թ. անհտ., ծնվել է Այրարատի Մազազ գավառի Գառնի գյուղում, մահացել 792–ին Դվինում: Ամփոփվել է Դվինում գտնվող Հայոց կաթողիկոսների հանգստարանում: 
«Ի մանկութենէ առեալ զլուծ կրօնաւորութեան» ուսանել է Գեղարքունիքի հռչակավոր Մաքենացվոց վանքում, աշակերտել «Հայր հարանց» հորջորջված Սողոմոն Ավագ վարդապետին: Ուսումնառության ընթացքում հմտացել է փիլիսոփայության արվեստի, ինչպես նաև սաղմոսանվագ երգեցողության բնագավառներում` «վարժեալ իսկ էր ի փիլիսոփայական արուեստս եւ հմուտ լեալ փսաղտութեանց կրթանաց»: Որոշ ժամանակ անց Սողոմոն Ավագը հեռացել է Մաքենացվոց վանքից և աշակերտների մի մեծ խմբի հետ տեղափոխվել Ջավախքի Զրեսկի վանքը: Սողոմոն Կրտսերը հետևել է իր ուսուցչին և ստանձնել է Զրեսկի առաջնորդությունը: Հովաբ Ա Դվնեցու մահից հետո Մայր Աթոռի միաբանությունը որոշում է «զՍողոմոն ածեալ կացուցանել յաթոռն սրբութեան»: Ընտրությունը համաձայնեցվել է Հայոց իշխան Աշոտ Մսակերի և մյուս նախարարների հետ: Կաթողիկոս է ընտրվել զառամյալ` «ծերացեալ յոյժ», հասակում և հազիվ մեկ տարի գահակալելուց հետո մահացել: Թաղվել է Դվինի կաթողիկոսական հանգստարանում: 

Комментариев нет:

Отправить комментарий

Blogger Widgets