ՄԵՆՅՈՒ

ՊԱՏՄԱՄՇԱԿՈՒԹԱՅԻՆ, ԳՐԱԿԱՆ - ԳԵՂԱՐՎԵՍՏԱԿԱՆ, ՓԱՍՏԱՎԱՎԵՐԱԳՐԱԿԱՆ, ՀԱՆՐԱՄԱՏՉԵԼԻ, ՈՒՍՈՒՑՈՂԱԿԱՆ, ԱԶԳԱՅԻՆ, ՀԱՅՐԵՆԱՍԻՐԱԿԱՆ, ԿՐԹԱԴԱՍՏԻԱՐԱԿՉԱԿԱՆ ԲԼՈԳ   «Բոլորն ուզում են իրենց երեխաներին թողնել լավ աշխարհ, իսկ ես աշխարհին ուզում եմ թողնել լավ երեխաներ» ԿԱՐԼՈՍ ՍԼԻՄ ԷԼՈՒ  
Drop Down MenusCSS Drop Down MenuPure CSS Dropdown Menu

29.07.2013

Միթէ Դուք չմաքրեցիք այդ ահաբեկիչ պիտակը Հայութեան ճակատեն

Ժամանակ առ ժամանակ Երկիր մոլորակը մաքրութեան կարիqը կըզգայ, եւ այդ երկիր մոլորակի վրայ նաեւ կար, այսօր կա, եւ նաեւ վաղը լինելու է, Հայը որպէս ազգ եւ Հայաստանը որպէս երկիր, երբեմն անկախ երբեմն բռնագրաուած.
30 տարիներ առաջ չհաշուած սովետական Հայաստանի կիսանկախ պետութեան վերելքին, Հայ ազգը եւ նաեւ ամբողջ աշխարհը մաքրութեան կարիգը ուներ, եւ այդ մաքրութեան գործը իրենց ուսերուն վրայ պատիւով շալկեցին Հայրենիքէն շատ հեռու բայց Հայրենիքով սնուած 5 քաջարի երիտասարդներ.
Հայոց պատմութեան մէջ շատ շատ են հերոսական դրուագները սկսած մեր թագաւորական ժամանակահատուածէն անցնելով, ֆիտայական ժամանակաշրջանը հասնելով սարդարապատ ապա հայրենական պատերազմ եւ մինջեւ Արցախ.
Սակայն եւ հազար սակայն, ի՞նչ սիրտ, կամք եւ հոգի ունէիք դուք Լիզպոնի մէջ նահատակուած ընկերներ, այդ ի՞նչ առեան կանչ էր որ անգամ իսկ չուզեցիք սակարկութիւն ընել, ի՞նչ սրտով բաժնուեցաք ձեր հարազատներէն, ձեր պաշտած կուսակցութիւնէն, ձեր կազմելիք ընտանիքներէն. Գիտակցորէն գացիք անվերադարց, եւ ձեր մաքրամաքուր առիւնը թափեցիք յանուն ձեր նպատակին, նոյնիսկ Արշակ թագաւոր ուժ եւ կամք առաւ երբ կոխեց Հայկական հողի վրայ, դուք հեռու այդ հողէն որտեղի՞ց առիք այդքան ուժ: Միթէ Յիշեցի՞ք ցեղասպանութիւնը յիշեցիք կորած հայրենիքը, յիշեցիք անողնաշար եւ ազգայնազուրկ սովետական Հայաստանը. բայց այդ բոլորը մենք ալ կը յիշէինք, հետեւաբար դուք ուրիշ էիք եւ կը մնաք ուրիշ եւ մենք երբեք չենք հասկնար ձեզ…
30 տարիներ առաջ այսպես գրեցին ձեր մասին «Անոնք բացին ճամբան» այո դուք ձեր կյանքով բացիք ճամբան որպեսզի մենք տեսնենք նէնք թուրքին իսկական դէմքը, բայց այսօր այդ նոյն ճամբէն մեր անկուշտ վաճառականները առեւտուր կընեն նոյն թուրքին հետ, անտեսելով ձեր զոհաբերութիւնը.
30 տարիներ ետք տակաւին սփիւրքի թէ մայր Հայաստանի մէջ մենք չենք տեսներ պաշտոնական, պետական, մակարդակի հանդիսութիւններ, չենք տեսներ Հայրենիքի մէջ յուշարձաններու ստեղծում, չենք նկատեր կամք զիրենք ազգային հերոս կոչելու, այս բոլորը չենք նկատեր երեւի այն պատճառով որպէսզի միջազգային ընտանիքը հանկարծ մատնացոյց չընէ մեզ ըսելով դուք կը քաջալերեք ահաբեկչութիւն, ինչպէս որոշ հայրենի լրատուամիջոցներ կոչեցին ձեզ այդպէս, բայց միթէ ձեր գործողութիւնը, ձեր առիւնը այդ նպատակին համար չէ՞ր նաեւ: Միթէ Դուք չմաքրեցիք այդ ահաբեկիչ պիտակը Հայութեան ճակատեն. Բայց չարժանացաք ձեր երգած երգին, որը կըսեր, «երբ պիտի տեսնեմ գահին նստած Հայ իշխան Հայ տարերով գրէր Հայոց հրաման», եկաւ այդ օրը նաեւ, շնորհիւ ձեզ եւ ձեր նմաններուն, գահին նստեցան Հայ իշխաններ բայց ձեզ չտեսան, այսոր ձեզ տեսնելով ձեզ արժեւորելով, ձեր օրինակը բացատրելով, առաջքը կառնուի արտագաղթին եւ դասալքութեան, եթէ հայ զինուորը պահի տակ յիշէ ձեր սխրագործութիւնը, իր զինակից ընկերոչ չի սպաններ ինքնասիրութիւնը վիրաւորած ըլլալու պատճառով. Եւ այսպէս բազմաթիւ օրինակներ…
Սիրելի Վաչէ, Արա, Սեդրակ, Սագո, Սիրելի Սիմոն, վստահ ենք դուք հանգիստ չեք գերեզմանին մէջ վստահ ենք որ այնտեղ եւս ննջեցեալներուն հայրենասիրութիւն կը քարոզեք, սակայն այսօր կուզեմ ձեզ ըսել որ դուք հանգիստ ննջեք, որովհետեվ ձեր ցանած սերմերը կարծես թէ 30 տարի ետք սկսած են կամաց կամաց ծիլ արցակել…
Սիրելի ներկաներ եւ բացականեր, պետական այրեր, նախարարներ, պատգամաւորներ, Հոգեւորականներ եւ յամայն հայ ժողովուրդ, եթէ մենք չենք կրնար ունենալ այդ տղոց կամքի ուժը, եթէ չենք կրնար իրենց նման պահանջատէր ըլլալ, քոնէ, քոնէ նուազագոյնը ըլլանք իրենց նման համեստ, իրենք իրենց բարձունքին, էին համեստութեան մարմնացումներ.
Յարգանք ձեզ անմահ հերոսներ, յարգանք ձեզ երտասարդութիւն, եւ ժողովուրդ որ յարգել գիտեք արժանիներուն.
Հեղինակ՝ ԶԱՐԵՀ ԵԱՀՆԻԵԱՆ
28. հուլիս 2013թ.
ԳՅՈՒՄՐԻ

Комментариев нет:

Отправить комментарий

Blogger Widgets