ՄԵՆՅՈՒ

ՊԱՏՄԱՄՇԱԿՈՒԹԱՅԻՆ, ԳՐԱԿԱՆ - ԳԵՂԱՐՎԵՍՏԱԿԱՆ, ՓԱՍՏԱՎԱՎԵՐԱԳՐԱԿԱՆ, ՀԱՆՐԱՄԱՏՉԵԼԻ, ՈՒՍՈՒՑՈՂԱԿԱՆ, ԱԶԳԱՅԻՆ, ՀԱՅՐԵՆԱՍԻՐԱԿԱՆ, ԿՐԹԱԴԱՍՏԻԱՐԱԿՉԱԿԱՆ ԲԼՈԳ   «Բոլորն ուզում են իրենց երեխաներին թողնել լավ աշխարհ, իսկ ես աշխարհին ուզում եմ թողնել լավ երեխաներ» ԿԱՐԼՈՍ ՍԼԻՄ ԷԼՈՒ  
Drop Down MenusCSS Drop Down MenuPure CSS Dropdown Menu

12.10.2013

Գարշանք` դէպի փառասէրները, ցուցամոլներն ու աթոռամոլները….

Միքայէլ Վարանդեան` Սիմոն Զաւարեան (գծեր իր կեանքէն ) «Հատուած»
Հայ ժողովուրդի նուիրեալ Մեծ զաւակ` Սիմոն Զաւարեանիմահուան 100 -ամեակի առթիւ:

Տեսակ մը ֆիզիքական զզուանք կը զգար դէպի բոլոր անոնք, որ կը մտնեն կուսակցութեան մէջ լոկ փայլելու, առաջնակարք դիրքեր վաստակելու, աժան ժողովրդականութիւն շահելու, կառիէր ստեղծելու փափաքով:
Ինքը խոնարհութեան եւ առաքելական համեստութեան կատարելատիպ մըն էր եւ կ’ատէր կառիէրիստները մինչեւ հոգու խորը: Ինքը մարդկային բարձրագոյն առաքինութիւններու անձնաւորումն էր եւ կ’ուզէր, առանց յաւակնոտութեան, դաստիարակել իր կուսակցական շարքերը, պատուաստել անոնց նոյն բարձր յատկութիւնները` համեստութիւն, շիտակութիւն, անաղարտ հայրենասիրութիւն, եւ անշահախնդիր նուիրուածութիւն. առանց որոնց յեղափոխութեան սուրբ գործը չէր կարող քալել, գաղափարական կազմակերպութիւնը չէր կարող ապրիլ:
Ըսինք` անշահախնդիր նուիրուածութիւն: Այդ բառն եւս շատ յաճախ կը լսէիք Սիմոնի բեռնէն: Երբ կը հարցնէիք իր կարծիքը այս կամ այն նոր ընկերոջ մասին, եթէ այդ կարծիքը դրական էր, նա սովորաբար կը պատասխանէր
-( Նուրիուած է ):
Չէր ըսէր ( անձնուէր ) է : Բառը շատ էր ծեծուէր եւ դարձեր էր շաբլօնական:
( Նոււրուած է…) Սիմոնի բառբարով դա լաւագոյն վկայագիրն էր եւ մեծագոյն ներբողը մէկ ընկերոջ հասցէին: ( Նուիրուած է )- կը նշանակէր ե՛ւ անձնուէր ու հաւատարիմ ե՛ւ մաքուր հայրենասէր ե՛ւ ազնիւ ու անկաշառ նկարագիր:
( Նուիրուածը ) չէր կարող լինել ոչ փառամոլ ու գոռոզ, ոչ ցուցամոլ ու աթոռամոլ:
( Նուիրուածը ) նախ եւ առաջ կազմակերպութեան տոկուն, չարքաշ աշխատաւորն է, դժուարին ճիգերու եւ մեծ զոհաբերութիւններու աշխատաւորը, որ կը հրաժարի կեանքի բռնակալ հրապոյրներէն եւ լիովին կ’անձնատրուի իր բազմատանջ ժողովրդի դատին… Հաշուեցէ՛ք այն հազարաւոր կտրիճները, որոնք կռուեցան Դաշնակցութեան դրօշին տակ եւ մեռան (ժողովուրդ ) ու ( ազատութիւն ) մրմնջալով… Քանի՞սն են, որ բացառութիւն կը կազմեն զաւարեանական այդ որակումէն… Ամէնքն ալ անոր իդէալական շունչով են տոգորուած, ամէնքն ալ ( նուիրուածներ ) են…
Ա՜հ, երբ կ’ուզէք լուծել հայ հաւաքական կեանքի ուշագրաւ առեղծուածներէն մէկը, երբ կը հետաքրքրուիք իմանալ, թէ ինչպէ՞ս, ի՞նչ հրաշքով մեր ցաք ու ցրիւ, դարերով անմիաբան ու պառակտուած, անհատապաշտ եւ դաւամոլ ցեղի մէջ ստեղծուեցաւ եւ կանգուն մնաց փոթորիկի մէջ հայ առաջին քաղաքական ու ժողովրդական կազմակերպութիւնը, որ իր անխուսափելի սայթաքումներուն հետ ըրաւ նաեւ մեծ գործեր, յեղաշրջեց ցեղի մտայնութիւնն ու բարքերը, երբ կ’ուզէք հասկնալ այդ հրաշք-երեւոյթին գաղտնիքը, յիշեցէք ղեկավարները, յիշեցէք, որ կազմակերպութեան գլուխ էին կանգնած բուռ մը Զաւարեաններ…
ԱՂԲՅՈՒՐ

Комментариев нет:

Отправить комментарий

Blogger Widgets