ՄԵՆՅՈՒ

ՊԱՏՄԱՄՇԱԿՈՒԹԱՅԻՆ, ԳՐԱԿԱՆ - ԳԵՂԱՐՎԵՍՏԱԿԱՆ, ՓԱՍՏԱՎԱՎԵՐԱԳՐԱԿԱՆ, ՀԱՆՐԱՄԱՏՉԵԼԻ, ՈՒՍՈՒՑՈՂԱԿԱՆ, ԱԶԳԱՅԻՆ, ՀԱՅՐԵՆԱՍԻՐԱԿԱՆ, ԿՐԹԱԴԱՍՏԻԱՐԱԿՉԱԿԱՆ ԲԼՈԳ   «Բոլորն ուզում են իրենց երեխաներին թողնել լավ աշխարհ, իսկ ես աշխարհին ուզում եմ թողնել լավ երեխաներ» ԿԱՐԼՈՍ ՍԼԻՄ ԷԼՈՒ  
Drop Down MenusCSS Drop Down MenuPure CSS Dropdown Menu

18.02.2014

ՊԱՅՔԱՐ ԱՂԱՆԴՆԵՐՈՒ ԴԷՄ, Ի ՍՊԱՍ ՀԱՅԱՍՏԱՆԻՆ ԵՒ ՀԱՅԿԱԿԱՆ ԲԱՆԱԿԻՆ

Հայաստանի մէջ աղանդաւորական շարժումներու յարաճուն տարածումը հասած է ահազանգային տարողութեանց։ Կը փորձուի արեւմտեան օտարոտի եւ սին գաղաբարներ "ծախել" մեր ժողովուրդին եւ ազատականութեան անուան տակ անոր "հրամցնել" ապազգային, հայութենէ պարպող ու իր հոգեմտաւոր աւանդութեանց անյարիր եւ աղաւաղող իբրեւ թէ համամարդկային "արժէքներ" ու "գաղաբարներ", որոնք միայն ու միայն կը քանդեն հասարակութիւններ եւ հաւաքականութիւններ, մանաւանդ ինչպիսին ունի հայ ժողովուրդը։ Մեր պարագային իրավիճակը կրկնակի վտանգ կը ներկայացնէ, նկատի ունենալով, որ խնդրոյ առարկայ կը դարձնեն Հայաստանի անվտանգութիւնը՝ նկատի առած աղանդաւորներու այն պատճառաբանութիւնը, թէ իրենց "հաւատք"ը կ՛արգիլէ, որ անոնց անդամները ծառայեն բանակին։ Այս հանգամանքը ես նկատի կ՛ունենամ իբրեւ դասալքութիւն եւ բնականաբար հայրենիքի դաւաճանութիւն, որ ամէն պարագայի դատապարտելի ու ծանռագոյնը պատժելի է օրէնքի ուժով։
Անխնայ պէտք է պայքարիլ նման ազգակործան երեւոյթներու դէմ։ Բոլորը պարտին միանալ ընդդէմ աղանդաւորներու. պետական պատկան մարմիններ, Առաքելական Եկեղեցին, բանակ, հասարակական շարժումներ եւ այլք պարտին միանալ, անխտիր բոլորը եւ հետեւողական ու կազմակերպուած գործելաոճով մերկացնեն եւ հանրութեան սեփականութիւնը դարձնեն անոնց ներկայացուցած վտանգները ու մեկուսացնեն զանոնք, որովհետեւ հարցը կրօնական ըլլալէ շա՜տ անդին է, ինչպիսին կը փորձեն ներկայացնել այդ թշուարականները։ Շատ յստակ է եւ մեկին, անոնք կը փորձեն (կը ջանան) հայ երիտասարդը հեռացնել ամէն բանէ, որ ազգային է ու նուիրական։
Ազգային բանակը երկրի մը հիմնական կառոյցներէն մին է, եթէ ոչ ամենահիմնականը։ Ամէն գնով տէր կանգնինք անոր։ Պայքա՛ր աղանդներու ե՛ւ աղանդաւորականներու դէմ՝ ի սպաս Հայաստանին ու հայկական բանակին։ Կեցցէ՛ ՀԱՅԿԱԿԱՆ ԲԱՆԱԿԸ Կեցցէ՛ ՀԱՅԱՍՏԱՆԸ

Կիրօ Գարակէօզեան.
Պէյրութ Լիբանան։ 16 Փետրուար 2014

Комментариев нет:

Отправить комментарий

Blogger Widgets