ՄԵՆՅՈՒ

ՊԱՏՄԱՄՇԱԿՈՒԹԱՅԻՆ, ԳՐԱԿԱՆ - ԳԵՂԱՐՎԵՍՏԱԿԱՆ, ՓԱՍՏԱՎԱՎԵՐԱԳՐԱԿԱՆ, ՀԱՆՐԱՄԱՏՉԵԼԻ, ՈՒՍՈՒՑՈՂԱԿԱՆ, ԱԶԳԱՅԻՆ, ՀԱՅՐԵՆԱՍԻՐԱԿԱՆ, ԿՐԹԱԴԱՍՏԻԱՐԱԿՉԱԿԱՆ ԲԼՈԳ   «Բոլորն ուզում են իրենց երեխաներին թողնել լավ աշխարհ, իսկ ես աշխարհին ուզում եմ թողնել լավ երեխաներ» ԿԱՐԼՈՍ ՍԼԻՄ ԷԼՈՒ  
Drop Down MenusCSS Drop Down MenuPure CSS Dropdown Menu

01.03.2014

ՊԱՏՄՈՒԹՅԱՆ ԱՅՍ ՕՐԸ - Սիմոն Եահնիեան

Այս տարի բախտի բերմամբ թէ պատահմամբ Մարտ ամսուն կը գտնուիմ Միացեալ նահանգներ, Հեռու իմ ծննդավայր Լիբանանէն նաեւ հեռու իմ Հայրենիքէն, Փետրուարեան կարճ ամիսներէն մէկն էր որ պիտի գլորուէր եւ երթար պատմութեան գիրկ, օրը մռայլ չափազանց մռայլ էր եւ կարճես հանգիստ չէի, բան մը կար պակաս հարց մը կար մտատանջող որը չէի կրնար մտաբերել.
Երեւի կորսուած, եւ թաղուած էի մտածումներու մէջ, երբ տղաս, Սիմոնը բարձրաձայն ինձ յուշեց «վաղը մեծ Սիմոնի տարեդարցն է». Ակնթարթի մէջ կարծես պատասխան տար բազում եւ բազում հարցերու եւ վերջ դներ իմ մտատանջութիւններուն, բայց միթէ կարելի է՞ չէ որ տակաւին մի քանի ամիս առաջ դարձեալ գրած էի այս մասին, եւ այդ մի քանի ամիսները հաւասար էին լրիւ 1 տարուայ, 365 օրեր եւս անցած էին նախորդ Մարտ 1-էն, սակայն ոչինչ չէր փոխուած ընդհանուր տրամաբանութիւնէն, նոյն կիսանկախ Հայրենիքը կուգար յուշելու թէ տակաւին Սիմոնը եւ իր քաջարի ընկերները երկար պիտի սպասեն իրենց ցանած սերմերը ստանալու.
Մտքով կը թռչիմ հեռու շատ հեռու, կը պատկերացնեմ գէզ կողքս կեցած, իմ զաւակներուս հետ միասին Նարէին եւ Սիմոնին, եթէ այստեղ ըլլայիր շատ հաւանաբար Խաչերին եւ ոչ Սիմոնին, այն Խաչերը որ Անահիտի հետ միասին լոյս աշխարհ բերին քեզ, որպէսզի մատաղ ընեն յանուն ազգի, որպէսզի Հայ ազգը եւ միջազգային պետութիւնները բան մը հասկնան մարդկութիւնէ, այդ բոլորը ըրիր ոչ առանցին, այլ ընկերներուդ հետ միասին ձեր արիւնը գործածեցիք որպէս մակարդ մեծ կաթսայի, բայց արի ու տես՜ կաթսան անարատ չէր...
Շնորհաւոր տարեդարձդ սիրելի եղբայրս, այսօր պիտի ըլլայիր 51 տարեկան, բայց քու որոշումով մնացիր 21, «վաղը մեծ Սիմոնի տարեդարձն է», այս բարերը մուրճի հարուածներ կարծես ըլլային իմ ուղեղին:
Ինչքան պիտի ուրախանային Նարէն եւ Խաչերը իրենց հօրեղբօր տարեդարձով, կրնամ երեւակայել թէ Նարէն իր ձեռքով ինչ տեսակի բացիկներ պիտի նուիրեր իր աննման հօրեղբօր, սակայն, սակայն երազները կը մնան երազ եւ ես կե վերադառնամ իրականութեան գիրկը որը լի է շատ լեղի անցուդարձերով.
Այդ ինչքան հրաշալի տեղ ես գացեր որ 1 օրով նոյնիսկ չես ուզեր գալ եւ տեսնել մեզ, տեսնես թէ ինչպէս են հասակ առնում եղբօրդ եւ քրոջդ զաւակները, տեսնես ու ուրախանաս՜ ոհհհհհ նորէն, նորէն երազներ, ես գիտեմ թէ դուն այդպէս ուրախութիւններ չես սիրեր դուն կուզես ուրախանալ հզօր միացեալ հայրենիքով, կուզես տեսնել կարին նստած հայ իշխանը, կուզես արդարութիւն, կուզես համերաշխութիւն, այս բոլոր կուզես եւ քանի որ այդ նշուածներէն որեւէ մեկը տակաւին չկայ, ես գիտեմ, գիտեմ թէ չես գար...
գէդ մի օրուայ համար, Վաչէի, Սագօյի, Արայի եւ Սեդոյին հետ եկէք եւ տեսէք մեզ, տեսէք թէ իսկական մեռելները ով են, մենք թէ դուք՞. Կը հանդիպիք շատ ընկերներու եւ ուսուցիչներու, որոնց կը տարբերէիք իրենց խառնուածքին շնորհիւ, ոմանց կըսէիք հայրենասէր, սակայն մեծամասնութեան կանուանէիք անտարբերներ, եկէք եւ տեսէք թէ ինչպիսի դժոխային օրեր կանցնեն Հայրենասէրները եւ ինչպիսի այլանդակ եւ ցոփ կեանքով կապրին անտարբերները, եկէք եւ այս բոլորը տեսէք. 
Սիրելի Սիմոն դուն 51 ես 50, պիտի ըլլայի քու փոքր եղբայրը, սակայն այսօր ես 50 դուն 21 Ինչու, Ինչի համար, Որու համար, ...
Պապա վաղը մեծ Սիմոնի տարեդարձն է.....................................
Քո եղբայր՝ ԶԱՐԵՀ ԵԱՀՆԻԵԱՆ

Комментариев нет:

Отправить комментарий

Blogger Widgets