ՄԵՆՅՈՒ

ՊԱՏՄԱՄՇԱԿՈՒԹԱՅԻՆ, ԳՐԱԿԱՆ - ԳԵՂԱՐՎԵՍՏԱԿԱՆ, ՓԱՍՏԱՎԱՎԵՐԱԳՐԱԿԱՆ, ՀԱՆՐԱՄԱՏՉԵԼԻ, ՈՒՍՈՒՑՈՂԱԿԱՆ, ԱԶԳԱՅԻՆ, ՀԱՅՐԵՆԱՍԻՐԱԿԱՆ, ԿՐԹԱԴԱՍՏԻԱՐԱԿՉԱԿԱՆ ԲԼՈԳ   «Բոլորն ուզում են իրենց երեխաներին թողնել լավ աշխարհ, իսկ ես աշխարհին ուզում եմ թողնել լավ երեխաներ» ԿԱՐԼՈՍ ՍԼԻՄ ԷԼՈՒ  
Drop Down MenusCSS Drop Down MenuPure CSS Dropdown Menu

04.04.2014

Պրն Արա Նախշքարեանի Այցելութիւնը

«Ես այստեղ հասկցայ, թէ ինչ կը նշանակէ հայ», - ըսաւ Պրն Արա Նախշքարեան, երբ երեքշաբթի 17 Մարտին հանդիպում ունեցաւ 10-րդ դասարանի աշակերտներուն հետ:
Կիւմրիի թիւ 3 աւագ դպրոցի պատմութեան դասատու, եւ նոյն դպրոցի «Հայեացք» մանկապատանեկան պարբերաթերթի հիմնական պատասխանատու, ինչպէս նաեւ հայաստանի մէջ՝ Լիզպոնի տղոց նահատակութեան 30-ամեակի առիթով հրատարակուած «Լիզբոնի իմ Ընկերները» գիրքի հեղինակ՝ Պրն Արա Նախշքարեան այցելեց մեր վարժարանը եւ Կիւմրիի
իրավիճակին մասին տեղեկութիւններ փոխանցեց մեր աշակերտներուն:
Պրն Նախշքարեան սեփականատէրն է Nakhshkaryan.BLOGSPOT.COM կայքէջին, որ կը բովանդակէ պատմամշակութային, գրական-գեղարուեստական, փաստավավերագրական, հանրամատչելի, ուսուցողական, ազգային, ժողովրդական եւ կրթադաստիարակչական տեղեկութիւններ:
Պրն Նախշքարեանի այցելութեան առիթով, 10-րդ դասարանի աշակերտները պատրաստած էին ուսումնասիրութիւն մը Կիւմրիի մասին, զոր ներկայացուց Կրէյս Գալուստեան: 
Պրն Նաշխքարեան լսելէ ետք աշակերտներուն ուսումնասիրութիւնը, յայտնեց թէ ընթերցուած տեղեկութիւնները ներկայ պայմաններուն մէջ որոշ փոփոխութիւններ կրած են, որովհետեւ այնտեղ չկան գեղատեսիլ վայրեր, իսկ մշակութային հարստութիւնը՝ երբ Կիւմրին կը հանդիսանար հայրենի բազմաթիւ տեսաերիզներու, ինչպէս, «Հին Օրերի Երգը», «Կտոր մը երկինք»ի ... նկարահանման վայր ու «Անոյշ Օփերայ»ի առաջին բեմականացման կերդոն, այժմ՝ նահանջ արձանագրած է:
Ան ըսաւ, որ 1988ի երկրաշարժէն ետք Կիւմրին ամբողջովին յեղաշրջուած դիմագիծ ստացած է, ուր մարդիկ տակաւին կ՛ապրին այն օրերէն իրենց յանձնուած տնակներու մէջ: 
Խօսելով աշխատանքային պայմաններուն մասին, Պրն. Նաշխքարեան յայտնեց, որ միայն դպրոց, համալսարան եւ հիւանդանոց կրնան գործ հայթայթել ուսեալ խաւին, այլապէս բանուոր խաւը ոչ մէկ աշխատանքի առիթ ունի:
Տուեալ կացութեան հիմնական պատճառներէն են Ռուս Պետութեան ստեղծած դէպի Սիպերիա գաղթի աշխատանքային պայմանները, ինչպէս նաեւ քաղաքի անտէր լքուած իրավիճակը: 
Իսկ անդրադառնալով երիտասրդութեան եւ դպրոցներու ցանցին, ան ըսաւ, որ տակաւին կան երիտասարդներ, որոնք գիտեն պատեհ առիթներով մարդկային անիրաւութիւններու դէմ ելլել եւ նախաձեռնել հանդիսութիւններ հայկական տօներու եւ յիշատակելի թուականներու առիթներով:
«Իսկ դպրոցները, - ըսաւ ան, - կը գտնուին դժուար պայմաններու մէջ, ուր աշակերտութեան մօտ կը յայտնուի հայրենասիրական ոգիի պակաս, առ այդ հայոց պատմութեան պահերուն անոնց կը փոխանցուի ոչ միայն պատմութիւն, այլ նաեւ յեղափոխական երգերու ուսուցում, որուն միջոցով աշակերտը կը ծանօթանայ թէ՛ երգին եւ թէ՛ պատմութեան»:
Պրն Նախշքարեան պատասխանելէ ետք աշակերտներուն հարցումներուն, ան թելադրեց որ հայրենասէր ըլլալէ աւելի ըլլան հայրենաճանաչ. Գիտնան ու ճանչնան իրենց հայրենիքն ու մշակութային արժէքները ու միշտ պայքարին գոյատեւելու ու ապրելու որպէս իսկական հայ:

ԱՂԲՅՈՒՐ՝ Ազգային «Յառաջ-Գ. Կիւլպէնկեան» Վարժարան



















Комментариев нет:

Отправить комментарий

Blogger Widgets