ՄԵՆՅՈՒ

ՊԱՏՄԱՄՇԱԿՈՒԹԱՅԻՆ, ԳՐԱԿԱՆ - ԳԵՂԱՐՎԵՍՏԱԿԱՆ, ՓԱՍՏԱՎԱՎԵՐԱԳՐԱԿԱՆ, ՀԱՆՐԱՄԱՏՉԵԼԻ, ՈՒՍՈՒՑՈՂԱԿԱՆ, ԱԶԳԱՅԻՆ, ՀԱՅՐԵՆԱՍԻՐԱԿԱՆ, ԿՐԹԱԴԱՍՏԻԱՐԱԿՉԱԿԱՆ ԲԼՈԳ   «Բոլորն ուզում են իրենց երեխաներին թողնել լավ աշխարհ, իսկ ես աշխարհին ուզում եմ թողնել լավ երեխաներ» ԿԱՐԼՈՍ ՍԼԻՄ ԷԼՈՒ  
Drop Down MenusCSS Drop Down MenuPure CSS Dropdown Menu

28.05.2014

ՄԱՅԻՍ 28-ի ՊԱՏԳԱՄԸ

Ներկաներուն իր հայրապետական պատգամը փոխանցեց Արամ Ա. կաթողիկոս: Վեհափառը MAJIS նախ եւ առաջ իր գնահատանքը յայտնեց եղած արտայայտութիւններուն եւ մայիսեան փառքը կերտած բոլոր հերոսներուն յիշատակը անմահացած տեսաւ անոնց յիշատակը յարգողներուն անձին մէջ: Արամ Ա. կաթողիկոս կարեւորութեամբ շեշտեց Մայիս 28-ի ոգին, որ իր խորհուրդով ու պատգամով անցած է արդէն ժամանակի սահմանը, ու յաւերժօրէն կը սալարկէ հայ ժողովուրդի հաւաքական պայքարի ուղին: Վեհափառը յատկապէս ըսաւ. «Հայոց պատմութեան մէջ թուականներ կան, որոնք իրենց ոգիով ու մարտահրաւէրով, կ՛անդրանցնին տուեալ ժամանակներու սահմանները եւ կը պատկանին յաւերժութեան: Անոնք մնայուն յուշարար են ու պատգամ ուղղուած բոլոր ժամանակներու սերունդներուն` իրենց կեանքը անոնցմով լեցնելու ու կռանելու եւ իրենց պայքարի ճամբան
հունաւորելու ու լուսաւորելու:



«28 մայիս 1918-ին, Վարդանանց ոգիով մղուած Սարդարապատի ճակատամարտը մնայուն պատգամ մըն է ուղղուած մեր ժողովուրդի զաւակներուն` շարունակելու Սարդարապատին մէջ սկսած պատերազմը` ի խնդիր ամբողջական Հայաստանին:
«Արդարեւ, ազգերը կը գոյատեւեն, երբ իրենց կեանքը վերածեն բարոյական ու ազգային արժէքներու յաւերժացման ու իրենց մարդկային իրաւունքներու վերատիրացման համար մղուող մնայուն պայքարի: Վա՜յ այն ժողովուրդին, որուն կեանքը սոսկ ապրիլ մըն է ժամանակի ու միջոցի սահմաններուն մէջ: Մեր ժողովուրդին կեանքը եղած է մնայուն խոյանք մը, հաւաքական պայքար մը` ի խնդիր հաւատքի յաւերժացման ու հայրենիքի փրկութեան:
«Արդ, Մայիս 28-ով սկսուած մեր ժողովուրդի պայքարը պէտք է շարունակուի: Մայիս 28-ով կերտուած ներկայ Հայաստանը կտոր մըն է միայն. մեր ժողովուրդը կը ձգտի ամբողջական Հայաստանին: Ներկայով միայն բաւարարուիլը փաստօրէն մոռնալ է անցեալը: Մայիս 28-ի պատգամը մեր ժողովուրդի կեանքին մէջ պէտք է միշտ հնչէ. պէտք է Արցախը աւելի զօրանայ, Հայաստանի Հանրապետութիւնը աւելի ամրապնդուի, մեր ազգային պահանջատիրութիւնը աւելի հզօրանայ, որպէսզի կարենանք վերանորոգ կամքով շարունակել մեր ազգային պայքարը ամբողջական Հայաստանի տեսլականով», եզրափակեց Արամ Ա. կաթողիկոս:
Դպրեվանքի երգչախումբը այնուհետեւ ազգային հայրենասիրական երգեր կատարեց, ինչպէս նաեւ սարդարապատեան գոյապայքարին յաղթանակը պանծացնող «Երբ չի մնում ելք ու ճար» երգը հնչեցուց, որուն մասնակից դարձաւ նաեւ ներկայ ժողովուրդը:
Մայիսեան հանդիսութիւնը աւարտեցաւ վեհափառին պահպանիչ աղօթքով, որմէ ետք ներկաները աջահամբոյրով իրենց շնորհաւորութիւնները փոխանցեցին անոր:

Комментариев нет:

Отправить комментарий

Blogger Widgets