ՄԵՆՅՈՒ

ՊԱՏՄԱՄՇԱԿՈՒԹԱՅԻՆ, ԳՐԱԿԱՆ - ԳԵՂԱՐՎԵՍՏԱԿԱՆ, ՓԱՍՏԱՎԱՎԵՐԱԳՐԱԿԱՆ, ՀԱՆՐԱՄԱՏՉԵԼԻ, ՈՒՍՈՒՑՈՂԱԿԱՆ, ԱԶԳԱՅԻՆ, ՀԱՅՐԵՆԱՍԻՐԱԿԱՆ, ԿՐԹԱԴԱՍՏԻԱՐԱԿՉԱԿԱՆ ԲԼՈԳ   «Բոլորն ուզում են իրենց երեխաներին թողնել լավ աշխարհ, իսկ ես աշխարհին ուզում եմ թողնել լավ երեխաներ» ԿԱՐԼՈՍ ՍԼԻՄ ԷԼՈՒ  
Drop Down MenusCSS Drop Down MenuPure CSS Dropdown Menu

10.05.2014

ՀԵՏԱԴԱՐՁ ՀԱՅԱՑՔ

ՍՈՍ ՍԱՐԳՍՅԱՆ

Որպես դերասանի` Սոս Արտաշեսի Սարգսյանի հետ չեմ առնչվել: Սիրել եմ նրան, նայել դահլիճից ու դիտել ֆիլմերը նրա մասնակցությամբ: Բայց բախտ ունեցանք, որ որ նա դարձավ Երևանի Թատրոնի և կինոյի պետական ինստիտուտի ռեկտորը. ծանոթացանք նրա հետ, մտերմացանք և աշխատեցինք: Երանելի կլիներ, եթե հայ ժողովուրդն ունենար այդպիսի մի քանի հազար մարդ, արվեստագետ, քաղաքացի, որն ապրում էր բոլորի հոգսերով, նպատակներով, ու ցավ էր զգում, որ անզոր էր բոլորին օգնելու: Նրա խոսքերն էին. «Չե՜մ կարող, հասկանու՜մ եմ բոլորիդ, բայց չե՜մ կարող...»:
Երբ Գյումրիում դեռ տնակային համակարգն էր իշխում, ու նա գալիս էր Գյումրի, աչքերը թացանում էին, և (քանի՜ անգամ եմ լսել) ասում էր. «Ա՜խ, հնար ունենայինք, այս տնակները հանեինք»:
Մի հաշալի մարդ էր նա. նկատում էր ամեն ինչ, բոլորիս համար ուներ մի գեղեցիկ խոսք...
Տարիներ առաջ էր: Ես ապրում էի տնակում, ծանր սոցիալական պայմաններում, և նա գիտեր դա: Առանց նախապես տեղյակ պահելու` ԵԹԿՊԻ-ում նա ինձ հատկացրել էր մեկուկես դրույքաչափ ժամ: Ես էլ աշխատում էի, ուրախանում, որ բարձր աշխատավարձ եմ ստանում: Այսպես` երկու տարի: Բայց մայր բուհում ստուգումներ են անցկացվում, և Սոս Արտաշեսովիչը նկատողություն է ստանում` ինձ այդքան դրույքաչափ հատկացնելու համար: Իմանալով այդ մասին` գնացի նրա մոտ ու հարցրի, թե ինչու՞ է ինձ համար արել մի բան, երբ արդյունքում ինքն է հատուցելու: Պատասխանը եղավ այսպիսին.
_ Կարևո՜րն էն ա, որ դու երկու՛ տարի լավ ես ապրել, ամա դրա լավ ապրածը ո՞րն ա. է՜...
Այնքա՜ն թեթև, այնքա՜ն սիրուն տարավ: Եվ այժմ էլ անընդհատ ականջներումս հնչում են նրա խոսքերը. «Կարևո՜րն էն ա, որ տարիուկես դու քեզ լավ ես զգացել, ես էլ հանգիստ եմ եղել»...
Այսօր արդեն նրա գրիչն է մեր սեղանին, նրա գրքերը: Եվ ի՜նչ անկեղծ գրիչ ունի, ինչպե՜ս է պատմում, ինչպե՜ս է հուզում: 
Սիրել եմ նրան, սիրում եմ ու պաշտում այդ Մեծ Մարդուն` մեր սիրելի Նահապետին, մեր Ձորի Միոյին, մեր Սոս Արտաշեսի Սարգսյանին:

Սիրանուշ Ղուկասյան
Ռեժիսոր, դերասան, արձակագիր

ԱՂԲՅՈՒՐ՝ Ֆիմինե

1 комментарий:

  1. Ձեր գրառումը տեղ գտավ www.BlogNews.am կայքում: Շնորհակալություն:

    ОтветитьУдалить

Blogger Widgets