ՄԵՆՅՈՒ

ՊԱՏՄԱՄՇԱԿՈՒԹԱՅԻՆ, ԳՐԱԿԱՆ - ԳԵՂԱՐՎԵՍՏԱԿԱՆ, ՓԱՍՏԱՎԱՎԵՐԱԳՐԱԿԱՆ, ՀԱՆՐԱՄԱՏՉԵԼԻ, ՈՒՍՈՒՑՈՂԱԿԱՆ, ԱԶԳԱՅԻՆ, ՀԱՅՐԵՆԱՍԻՐԱԿԱՆ, ԿՐԹԱԴԱՍՏԻԱՐԱԿՉԱԿԱՆ ԲԼՈԳ   «Բոլորն ուզում են իրենց երեխաներին թողնել լավ աշխարհ, իսկ ես աշխարհին ուզում եմ թողնել լավ երեխաներ» ԿԱՐԼՈՍ ՍԼԻՄ ԷԼՈՒ  
Drop Down MenusCSS Drop Down MenuPure CSS Dropdown Menu

11.12.15

Այգեպան ինչ՞ես անում շամբը բուրաստան չի լինի... կամ Ինչ որ ցանես այն կը հնձես...

Ամէն շաբաթ վիճակախաղ կը խաղաս, կը փորձես շահիլ, կաղօթես որ շահիս, կերազես որ շահիս, կեանքիդ իմաստը անոր մէջ կը տեսնես, բայց երբեք չես մտածեր թէ երբ այն ժամը իրականութիւն դառնայ, երբ շահիս այն, ինչպէս օգտագործել որպէսզի ծառայէ քու երազած նպատակներուդ...
Եւ ահա օր մը երազդ կրնայ իրականութիւն դառնալ եւ ձեռքիդ մէջ բռնած թուղթի կտորը քեզ պարգեւէ այն գումարը որը կսպասէիր ամբողջ կեանքիդ ընթացքում. Այժմ գումարը մօտդ է սակայն չես գիտեր ինչպէս վարուիլ, աննշան փոքր սխալ մը եւ կը յայտնուիս նախորդ իրավիճակիդ մէջ կամ աւելի վատ...
Նոյնը պատահեցաւ 1988 – 1991 թուականներուն, խօսքը կը վերաբերի սփիւռքահայութեան.
70 երկար տարիներ, 4 սերունդ, ապրեցանք երազելով, գոյատեւելով, պայքարելով յանուն ազատ եւ անկախ միացեալ Հայաստանի, այդ դժուար եւ փշոտ ճանապարհին չսակարկեցինք ոչ մէկ բան, ոչ քրտինք, ոչ դրամ եւ նոյնիսկ սեփական կեանք, մատղաշ կեանքեր զոհաբերուեցան յանուն այդ վսեմ գաղափարին, կերազէինք, կերգէինք եւ կը յուսայինք որ օր մը կը տեսնենք անկախ Հայաստան, ինչպէս վիճակախաղ խաղացողը պիտի երազէր շահիլ մեծ պարգեւը.

Եւ ահա պատմութեան անիւը շրջուեցաւ փոխան վիճակախաղի թուերուն եւ խորհրդային միութեան փլուզման պատճառով մենք ունեցանք Ազատ Անկախ Հայաստան, շահած էինք ամենամեծ պարգեւը, սակայն ծրագրով չէինք պատրաստուած այդ օրուան...
70 տարիներու երկաթեայ վարագոյրէն այն կողմ չէինք տեսած, չէինք ուսումնասիրած խորհրդային բարքերը, ժողովուրդին մտածելակերպը, քաղաքական ոչ հասուն կողմնորոշուիլը, չէ որ այնտեղ կապրէին միլիոնաւոր Հայեր որոնք առաջին հերթին իրենք տէր պիտի կանգնին նոր պետականութեան եւ մենք պէտք է սատար կանգնինք իրենց մեր փորձառութեամբ որպէսզի նոր տնկուած ծառը առողջ մեծնայ.
70 տարիներու պայքարը, թափուած արիւնը, քրտինքը առանց ծրագրի մեզ բաստի առջեւ կեցուց, եւ մենք կորսնցուցինք մեր վեհ, ազնիւ նպատակը, որովհետեւ չէինք գիտեր ժողովուրդի քաղաքական ան հասունութիւնը, չէինք գիտեր իրենց հոգեբանութիւնը, չէինք ուսումնասիրած թէ ինչպէս կրնայինք սիրաշահիլ եւ անբիծ ղեկավար ընտրելով ունենայինք հզօր եւ բարգաւաճ Հայաստան.
Փոխան առողջ սերմի, Հայրենի ժողովուրդի 90 տոկոսը հողին մէջ ցանեց բուշ, վայրի բուշ. 
Բնականաբար այսօր մենք ականատես ենք այդ սերմերուն արագընթաց աճման, եւ այն մաքրելը այնքան ալ դիւրին գործ չէ, մանաւանդ որոշ առողջ սերմեր նաեւ վարակուած են...

Комментариев нет:

Отправить комментарий

Blogger Widgets